๒. สัทธรรมนิยามสูตร ที่ ๒

Pañcahi bhikkhave dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ katamehi pañcahi kathaṃ paribhoti kathikaṃ paribhoti attānaṃ paribhoti duppañño hoti jaḷo eḷamūgo anaññāte aññātamānī hoti imehi @Footnote: 1 Po. kathitaṃ. sabbatthavāresu īdisameva . 2 Ma. Yu. etthantare casaddo atthi. @ 3 Po. suṇantopi. ito paraṃ evaṃ ñātabbaṃ. Kho bhikkhave pañcahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ . pañcahi bhikkhave dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ katamehi pañcahi na kathaṃ paribhoti na kathikaṃ paribhoti na attānaṃ paribhoti paññavā hoti ajaḷo aneḷamūgo na anaññāte aññātamānī hoti imehi kho bhikkhave pañcahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattanti.