๓. สัทธรรมนิยามสูตร ที่ ๓

TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[153] Pañcahi bhikkhave dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ katamehi pañcahi makkhī dhammaṃ suṇāti makkhapariyuṭṭhito saupārambhacitto 1- dhammaṃ suṇāti randhagavesī dhammadesake āhatacitto hoti khilajāto 2- duppañño hoti jaḷo eḷamūgo anaññāte aññātamānī hoti imehi kho bhikkhave pañcahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ . pañcahi bhikkhave dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ katamehi pañcahi amakkhī dhammaṃ suṇāti namakkhapariyuṭṭhito anupārambhacitto dhammaṃ suṇāti narandhagavesī dhammadesake anāhatacitto hoti akhilajāto paññavā hoti ajaḷo aneḷamūgo @Footnote: 1 Po. Ma. Yu. upārambhacitto. 2 Ma. khīlajāto. ito paraṃ evaṃ ñātabbaṃ. Na anaññāte aññātamānī hoti imehi kho bhikkhave pañcahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattanti.