๕. ปัญหาปุจฉาสูตร

TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[165] Tatra kho āyasmā sārīputto bhikkhū āmantesi .pe. Yo hi koci āvuso paraṃ pañhaṃ pucchati sabbo so pañcahi ṭhānehi etesaṃ vā aññatarena katamehi pañcahi mandattā momūhattā paraṃ pañhaṃ pucchati pāpiccho icchāpakato paraṃ pañhaṃ pucchati paribhavaṃ paraṃ pañhaṃ pucchati ñātukāmo 2- paraṃ pañhaṃ pucchati athavā panevaṃcitto 3- paraṃ pañhaṃ pucchati sace me pañhaṃ puṭṭho sammadeva byākarissati iccetaṃ kusalaṃ no ce me pañhaṃ puṭṭho sammadeva byākarissati ahamassa sammadeva byākarissāmīti yo hi koci āvuso paraṃ pañhaṃ pucchati sabbo so imehi pañcahi ṭhānehi etesaṃ vā aññatarena ahaṃ kho panāvuso evaṃcitto paraṃ pañhaṃ pucchāmi sace me pañhaṃ puṭṭho sammadeva @Footnote: 1 Ma. āgataṃ. sabbatthavāresu īdisameva . 2 Ma. Yu. aññātukāmo. @ 3 Yu. atha vā pakuppanto. Byākarissati iccetaṃ kusalaṃ no ce me pañhaṃ puṭṭho sammadeva byākarissati ahamassa sammadeva byākarissāmīti.