๕. อขันติสูตร ที่ ๑

Pañcime bhikkhave ādīnavā akkhantiyā katame pañca bahuno janassa appiyo hoti amanāpo verabahulo ca hoti vajjabahulo ca sammūḷho kālaṃ karoti kāyassa bhedā parammaraṇā @Footnote: 1 Po. mantā .... Apāyaṃ duggatiṃ vinipātaṃ nirayaṃ upapajjati ime kho bhikkhave pañca ādīnavā akkhantiyā . pañcime bhikkhave ānisaṃsā khantiyā katame pañca bahuno janassa piyo hoti manāpo na verabahulo hoti na vajjabahulo asammūḷho kālaṃ karoti kāyassa bhedā parammaraṇā sugatiṃ saggaṃ lokaṃ upapajjati ime kho bhikkhave pañca ānisaṃsā khantiyāti.