๘. อัตตการีสูตร

8. Attakārīsuttavaṇṇanā

Aṭṭhame addasaṃ vā assosiṃ vāti akkhīni ummiletvā mā addasaṃ, asukasmiṃ nāma ṭhāne vasatīti mā assosiṃ, kathentassa vā vacanaṃ mā assosiṃ. Kathaṃ hi nāmāti kena nāma kāraṇena. Ārabbhadhātūti 4- ārabhanavasena pavattaviriyaṃ. Nikkamadhātūti kosajjato nikkhamanasabhāvaṃ viriyaṃ. Parakkamadhātūti parakkamasabhāvo. Thāmadhātūti thāmasabhāvo. Dhitidhātūti dhitisabhāvo. 5- Upakkamadhātūti upakkamasabhāvo. Sabbaṃ cetaṃ tenākārena 6- pavattassa viriyasseva nāmaṃ.