๑๑. ทารุกขันธสูตร

TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[312] 41 Evamme sutaṃ ekaṃ samayaṃ bhagavā 1- rājagahe viharati gijjhakūṭe pabbate . atha kho āyasmā sārīputto pubbaṇhasamayaṃ nivāsetvā pattacīvaramādāya sambahulehi bhikkhūhi saddhiṃ gijjhakūṭā pabbatā orohanto addasa aññatarasmiṃ padese mahantaṃ dārukkhandhaṃ disvā bhikkhū āmantesi passatha no āvuso tumhe amuṃ mahantaṃ dārukkhandhanti evamāvusoti . ākaṅkhamāno āvuso bhikkhu iddhimā cetovasippatto amuṃ dārukkhandhaṃ paṭhavītveva adhimucceyya taṃ kissa hetu atthi @Footnote: 1 Ma. Yu. āyasmā sārīputato. Āvuso amusmiṃ dārukkhandhe paṭhavīdhātu yaṃ nissāya bhikkhu iddhimā cetovasippatto amuṃ dārukkhandhaṃ paṭhavītveva adhimucceyya . Ākaṅkhamāno āvuso bhikkhu iddhimā cetovasippatto amuṃ dārukkhandhaṃ āpotveva adhimucceyya .pe. tejotveva adhimucceyya vāyotveva adhimucceyya subhantveva adhimucceyya asubhantveva adhimucceyya taṃ kissa hetu atthi āvuso amusmiṃ dārukkhandhe asubhadhātu yaṃ nissāya bhikkhu iddhimā cetovasippatto amuṃ dārukkhandhaṃ asubhantveva adhimucceyyāti.