๑๑. อัปปมาทสูตร

๑๑. อปฺปมาทสุตฺตวณฺณนา

เอกาทสเม สมธิคฺคยฺหาติ สุฏฺฐุ คณฺหิตฺวา. ชงฺคลานํ ๑- ปาณานนฺติ ปฐวีตลจารีนํ สปาทกปาณานํ. ปทชาตานีติ ปทานิ. สโมธานํ คจฺฉนฺตีติ โอธานํ อุปนิกฺเขปํ คจฺฉนฺติ. อคฺคมกฺขายตีติ เสฏฺฐํ อกฺขายติ. ปพฺพชลายโกติ ปพฺพชติณจฺเฉทโก. โอธุนาตีติ เหฏฺฐา มุขํ ธุนาติ. นิธุนาตีติ ๒- อุโภหิ ปสฺเสหิ ธุนาติ. นิจฺฉาเทตีติ พาหาย วา ปหรติ, รุกฺเข วา ปหรติ. อมฺพปิณฺฑิยาติ อมฺพผลปิณฺฑิยา. วณฺโฏปนิพนฺธนานีติ ๓- วณฺเฏ อุปนิพนฺธนานิ, วณฺเฏ วา ปติฏฺฐิตานิ. ตทนฺวยานิ ภวนฺตีติ วณฺฏานุวตฺตกานิ ภวนฺติ, อมฺพปิณฺฑิทณฺฑกานุวตฺตกานิ ภวนฺตีติปิ อตฺโถ. ขุทฺทราชาโนติ ๔- ขุทฺทกราชาโน, ปกติราชาโน วา.