๑. สีติสูตร

85 Chahi bhikkhave dhammehi samannāgato bhikkhu abhabbo anuttaraṃ sītibhāvaṃ sacchikātuṃ katamehi chahi idha bhikkhave bhikkhu yasmiṃ samaye cittaṃ niggahetabbaṃ tasmiṃ samaye cittaṃ na niggaṇhāti yasmiṃ samaye cittaṃ paggahetabbaṃ tasmiṃ samaye cittaṃ na paggaṇhāti yasmiṃ samaye cittaṃ sampahaṃsitabbaṃ tasmiṃ samaye cittaṃ na sampahaṃsati yasmiṃ samaye cittaṃ ajjhupekkhitabbaṃ tasmiṃ samaye cittaṃ na ajjhupekkhati hīnādhimuttiko ca hoti sakkāyābhirato ca imehi kho bhikkhave chahi dhammehi samannāgato bhikkhu abhabbo anuttaraṃ sītibhāvaṃ sacchikātuṃ. {356.1} Chahi bhikkhave dhammehi samannāgato bhikkhu bhabbo anuttaraṃ sītibhāvaṃ sacchikātuṃ katamehi chahi idha bhikkhave bhikkhu yasmiṃ samaye cittaṃ niggahetabbaṃ tasmiṃ samaye cittaṃ niggaṇhāti yasmiṃ samaye cittaṃ paggahetabbaṃ tasmiṃ samaye cittaṃ paggaṇhāti yasmiṃ samaye cittaṃ @Footnote: 1 Yu. uttariñca . 2 Ma. mahantattaṃ dvayaṃ .... Yu. mahantattaṃ dvayaniraye. @ 3 Ma. Yu. rattiyoti. Sampahaṃsitabbaṃ tasmiṃ samaye cittaṃ sampahaṃsati yasmiṃ samaye cittaṃ ajjhupekkhitabbaṃ tasmiṃ samaye cittaṃ ajjhupekkhati paṇītādhimuttiko ca hoti nibbānābhirato ca imehi kho bhikkhave chahi dhammehi samannāgato bhikkhu bhabbo anuttaraṃ sītibhāvaṃ sacchikātunti.