8. Attakārīsuttavaṇṇanā

[38] Aṭṭhame addasaṃ vā assosiṃ vāti akkhīni ummiletvā mā addasaṃ, asukasmiṃ nāma ṭhāne vasatīti mā assosiṃ, kathentassa vā vacanaṃ mā assosiṃ. Kathaṃ hi nāmāti kena nāma kāraṇena. Ārabbhadhātūti ārabhanavasena pavattaviriyaṃ. Nikkamadhātūti kosajjato nikkhamanasabhāvaṃ viriyaṃ. Parakkamadhātūti parakkamasabhāvo. Thāmadhātūti thāmasabhāvo. Dhitidhātūti dhitisabhāvo. Upakkamadhātūti upakkamasabhāvo. Sabbaṃ cetaṃ tenākārena pavattassa viriyasseva nāmaṃ.