พลสูตร ที่ ๒

๘. ทุติยพลสุตฺตวณฺณนา

อฏฺฐเม พลานีติ ญาณพลานิ. อาสวานํ ขยํ ปฏิชานาตีติ อรหตฺตํ ปฏิชานาติ. อนิจฺจโตติ หุตฺวา อภาวากาเรน. ยถาภูตนฺติ ยถาสภาวโต. สมฺมปฺปญฺญายาติ สมฺมาวิปสฺสนามคฺคปญฺญาย. ๒- องฺคารกาสูปมาติ สนฺตาปนฏฺเฐน องฺคารกาสุยา อุปมิตา อิเม กามา. ๓- วิเวกนินฺนนฺติ ผลสมาปตฺติวเสน นิพฺพานนินฺนํ. วิเวกฏฺฐนฺติ กิเลเสหิ วชฺชิตํ ทูรีภูตํ วา. เนกฺขมฺมาภิรตนฺติ ปพฺพชฺชาย อภิรตํ. พฺยนฺตีภูตนฺติ วิคตนฺตีภูตํ เอกํเสนาปิ ๔- อนลฺลีนํ วิปฺปยุตฺตํ ๕- วิสํสฏฺฐํ. อาสวฏฺฐานิเยหีติ สมฺปโยควเสน อาสวานํ การณภูเตหิ, กิเลสธมฺเมหีติ อตฺโถ. อถวา พฺยนฺตีภูตนฺติ วิคตนฺตีภูตํ ๖- นิตฺตณฺหนฺติ ๗- อตฺโถ. กุโต? สพฺพโส อาสวฏฺฐานิเยหิ ธมฺเมหิ, สพฺเพหิ เตภูมิกธมฺเมหีติ อตฺโถ. อิมสฺมึ สุตฺเต อริยมคฺโค โลกิยโลกุตฺตโร กถิโต.