สังโยคสูตร

๘. สํโยคสุตฺตวณฺณนา

อฏฺฐเม สญฺโญควิสญฺโญคนฺติ สญฺโญควิสญฺโญคสาธกํ. ธมฺมปริยายนฺติ ธมฺมการณํ. อชฺฌตฺตํ อิตฺถินฺทฺริยนฺติ นิยกชฺฌตฺตํ อิตฺถีภาวํ. อิตฺถีกุตฺตนฺติ อิตฺถีกิริยํ. อิตฺถากปฺปนฺติ นิวาสนปารุปนาทึ อิตฺถิยากปฺปํ. อิตฺถีวิธนฺติ อิตฺถิยา มานวิธํ อิตฺถิจฺฉนฺทนฺติ อิตฺถิยา อชฺฌาสยจฺฉนฺทํ. อิตฺถิสฺสรนฺติ อิตฺถีสทฺทํ. อิตฺถาลงฺการนฺติ อิตฺถิยา ปสาธนภณฺฑํ. ปุริสินฺทฺริยาทีสุปิ เอเสว นโย. พหิทฺธา สญฺโญคนฺติ ปุริเสน สทฺธึ สมาคมํ. อติวตฺตตีติ อนภิรตาติ เอวํ วุตฺตาย พลววิปสฺสนาย อริยมคฺคํ ปตฺวา อติวตฺตติ. อิมสฺมึ สุตฺเต วฏฺฏวิวฏฺฏํ กถิตํ.

@เชิงอรรถ: ๑ ม. อุคฺคณฺหนฺติ