อัพยากตสูตร

๖. อพฺยากตวคฺค

๑. อพฺยากตสุตฺตวณฺณนา

ฉฏฺฐวคฺคสฺส ปฐเม อพฺยากตวตฺถูสูติ เอกํสาทิวเสน อกถิตวตฺถูสุ. ตถาคโตติ สตฺโต. ทิฏฺฐิคตเมตนฺติ มิจฺฉาทิฏฺฐิมตฺตกเมตํ, น ตาย ทิฏฺฐิยา คหิตสตฺโต นาม อตฺถิ. ปฏิปทนฺติ อริยมคฺคํ. น ฉมฺภตีติ ทิฏฺฐิวเสน น กมฺปติ. เสสปเทสุปิ เอเสว นโย. ตณฺหาคตนฺติ ทิฏฺฐิตณฺหา. สญฺญาคตาทีสุปิ เอเสว นโย.

@เชิงอรรถ: ๑ ฉ.ม. ปุญฺญมหีติ ๒ ฉ.ม. ยาวเทติ ยาวเทว ทิฏฺฐิสญฺญาเอว เหตฺถ สญฺญาคตํ, ทิฏฺฐินิสฺสิตมาโนเยว ทิฏฺฐิมญฺญิตเมว วา มญฺญิตํ, ทิฏฺฐิปปญฺโจว ปปญฺจิตํ, ทิฏฺฐุปาทานเมว อุปาทานํ, ทิฏฺฐิยา วิรูปํ ปฏิสรณภาโวเยว วิปฺปฏิสาโร นามาติ เวทิตพฺโพ. เอตฺถ จ ทิฏฺฐิคฺคหเณน ทฺวาสฏฺฐิทิฏฺฐิโย, ทิฏฺฐินิโรธคามินีปฏิปทาคหเณน โสตาปตฺติมคฺโคว คหิโตติ.