@๕ ฉ.ม. สิกฺขตฺตยสงฺคหสฺส สกลสาสนพฺรหฺมจริยสฺส ๖ สี. พลวราโค

@๗ ฉ.ม. กิมญฺญตฺราติ ๘ สี.,ม. เยน ๙ ฉ.ม. ตตฺถาติ อญฺญํ อาคนฺตุกกถํ โอตาเรติ. ๑- อปเนยฺโยติ นีหริตพฺโพ เอส. ๒- สมณทูสีติ สมณทูสโก. สมณปลาโปติ วีหีสุ วีหิปลาโป วิย นิสฺสารตาย สมเณสุ สมณ- ปลาโป. สมณกรณฺฑโวติ สมณกจวโร. พหิทฺธา นาเสนฺตีติ พหิ นีหรนฺติ. ยวกรเณติ ยวกฺเขตฺเต. ผุสยมานสฺสาติ ๓- อุจฺเจ ฐาเน ฐตฺวา มหาวาเต โอผุนียมานสฺส. อปสมฺมชฺชนฺตีติ สารธญฺญานํ เอกโต ทุพฺพลธญฺญานํ เอกโต กรณตฺถํ ปุนปฺปุนํ อปสมฺมชฺชนฺตีติ, อปสมฺมชฺชนีสงฺขาเตน วาตคฺคาหินา สุปฺเปน วา วตฺเถน วา นีหรนฺติ. ๔- ททฺทรนฺติ ททฺทรสทฺทํ. ๕-

สํวาสายาติ ๖- สํวาเสน. วิชาเนถาติ ๗- ชาเนยฺยาถ. สนฺตวาโจติ สณฺหวาโจ. ชนวตีติ ชนมชฺเฌ. รโห กโรติ กรณนฺติ กรณํ วุจฺจติ ปาปกมฺมํ, ตํ รโห ปฏิจฺฉนฺโน หุตฺวา กโรติ. สํสปฺปี จ มุสาวาทีติ สํสปฺปิตฺวา มุสาวาที, มุสา ภณนฺโต สํสปฺปติ ผนฺทตีติ อตฺโถ. อิมสฺมึ สุตฺเต วฏฺฏเมว กเถตฺวา คาถาสุ วฏฺฏวิวฏฺฏํ กถิตนฺติ.

เมตฺตาวคฺโค ปฐโม