@5 cha.Ma. sikkhattayasaṅgahassa sakalasāsanabrahmacariyassa 6 Sī. balavarāgo

@7 cha.Ma. kimaññatrāti 8 Sī.,Ma. yena 9 cha.Ma. tatthāti Aññaṃ āgantukakathaṃ otāreti. Apaneyyoti nīharitabbo esa. Samaṇadūsīti samaṇadūsako. Samaṇapalāpoti vīhīsu vīhipalāpo viya nissāratāya samaṇesu samaṇa- palāPo. Samaṇakaraṇḍavoti samaṇakacavaro. Bahiddhā nāsentīti bahi nīharanti. Yavakaraṇeti yavakkhette. Phusayamānassāti ucce ṭhāne ṭhatvā mahāvāte ophunīyamānassa. Apasammajjantīti sāradhaññānaṃ ekato dubbaladhaññānaṃ ekato karaṇatthaṃ punappunaṃ apasammajjantīti, apasammajjanīsaṅkhātena vātaggāhinā suppena vā vatthena vā nīharanti. Daddaranti daddarasaddaṃ.

Saṃvāsāyāti saṃvāsena. Vijānethāti jāneyyātha. Santavācoti saṇhavāco. Janavatīti janamajjhe. Raho karoti karaṇanti karaṇaṃ vuccati pāpakammaṃ, taṃ raho paṭicchanno hutvā karoti. Saṃsappī ca musāvādīti saṃsappitvā musāvādī, musā bhaṇanto saṃsappati phandatīti attho. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitanti.

Mettāvaggo paṭhamo