กุสินาราสูตร

๕. อกฺโกสวคฺค

๔. กุสินารสุตฺตวณฺณนา

ปญฺจมสฺส จตุตฺเถ กุสินารายนฺติ เอวํนามเก นคเร. เทวตานํ อตฺถาย พลึ หรนฺติ เอตฺถาติ พลิหรโณ, ตสฺมึ พลิหรเณ. อจฺฉิทฺเทน อปฺปฏิมํเสนาติอาทีสุ เยน เกนจิเทว ปหโฏ วา โหติ, เวชฺชกมฺมาทีนิ วา กตานิ, ตสฺส กายสมาจาโร อุปจิกาทีหิ ขายิตตาลปณฺณํ วิย ฉิทฺโท จ, ปฏิมสิตุํ ยตฺถ กตฺถจิ คเหตฺวา อากฑฺฒิตุํ สกฺกุเณยฺยตาย ๑- สปฺปฏิมํโส ๒- โหติ, วิปรีโต อจฺฉิทฺโท อปฺปฏิมํโส นาม. วจีสมาจาโร ปน มุสาวาทโอมสวาทเปสุญฺญอมูลกานุทฺธํสนาทีหิ ฉิทฺโท จ สปฺปฏิมํโส จ โหติ, วิปรีโต อจฺฉิทฺโท อปฺปฏิมํโส. เมตฺตํ นุ โข เม จิตฺตนฺติ ปลิโพธํ ฉินฺทิตฺวา กมฺมฏฺฐานภาวนานุโยเคน อธิคตํ ๓- อนาฆาตนฺติ อาฆาตวิรหิตํ, วิกฺขมฺภเนน วิหตาฆาตนฺติ อตฺโถ. กตฺถ วุตฺตนฺติ อิทํ สิกฺขาปทํ กตรสฺมึ ๔- นคเร วุตฺตํ.

กาเลน วกฺขามีติอาทีสุ เอกํ ๕- โอกาสํ กาเรตฺวา โจเทนฺโต กาเลน วทติ นาม. สํฆมชฺเฌ วา คณมชฺเฌ วา สลากคฺคยาคุคฺคภตฺตคฺควิตกฺกมาฬกภิกฺขาจารมคฺค- อาสนสาลาสุ วา อุปฏฺฐานสาลาสุ วา อุปฏฺฐาเกหิ ๖- ปริวาริตกฺขเณ วา โจเทนฺโต อกาเลน วทติ นาม. ตจฺเฉน วทนฺโต ภูเตน วทติ นาม. "ทหรมหลฺลกปริสาวจรก- ปํสุกูลิกธมฺมกถิกปฏิรูปํ ตว อิทนฺ"ติ วทนฺโต ผรุเสน วทติ นาม. การณนิสฺสิตํ ปน กตฺวา "ภนฺเต มหลฺลกตฺถปริสาวจรกตฺถปํสุกูลิกตฺถธมฺมกถิกตฺถปฏิรูปํ ตุมฺหากํ อิทนฺ"ติ วทนฺโต สเณฺหน วทติ นาม. การณนิสฺสิตํ กตฺวา วทนฺโต อตฺถสญฺหิเตน วทติ นาม. เมตฺตจิตฺโต วกฺขามิ โน โทสนฺตโรติ เมตฺตจิตฺตํ ปจฺจุปฏฺฐเปตฺวา วกฺขามิ, น ทุฏฺฐจิตฺโต หุตฺวา.

@เชิงอรรถ: ๑ สี. อามิสิตุํ อสกฺกุเณยฺยตาย ๒ ฉ.ม. ปฏิมํโส ๓ สี. อธิคตเมตฺตจิตฺตํ,

@ฉ.ม. อธิคตํ เม เมตฺตจิตฺตํ ๔ ฉ.ม. กสฺมึ ๕ ฉ.ม. เอโก เอกํ

@๖ ฉ.ม. สลากคฺคยาคคฺวิตกฺก...สาลาทีสุ วา อุปฏฺฐาเกหิ