Appasannānanti sikkhāpadapaññattiyā hi sati sikkhāpadapaññattiṃ ñatvā vā, yathāpaññattaṃ paṭipajjamāne bhikkhū disvā vā, yepi appasannā paṇḍitā manussā, te "yāni vata loke mahājanassa rajjanadussanamuyhanaṭṭhānāni, tehi ime samaṇā āratā viratā viharanti, dukkaraṃ vata karontī"ti pasādaṃ āpajjanti vinayapiṭake potthakaṃ disvā micchādiṭṭhikatavedibrāhmaṇā viya. Tena vuttaṃ "appasannānaṃ pasādāyā"ti.

Pasannānanti yepi sāsane pasannā kulaputtā, tepi sikkhāpadapaññattiṃ vā ñatvā, yathāpaññattaṃ paṭipajjamāne bhikkhū vā disvā "aho ayyā dukkaraṃ karonti, ye yāvajīvaṃ ekabhattā brahmacariyasaṃvaraṃ pālentī"ti bhiyyo bhiyyo pasīdanti. Tena vuttaṃ "pasannānaṃ bhiyyobhāvāyā"ti.

@4 Sī. evamettha attho 5 Sī. micchādiṭṭhikativedibrāhmaṇā 6 cha.Ma. vinayasaṃvaraṃ