๘. มุนีสูตร

๘. โมเนยฺยสุตฺตวณฺณนา

อฏฺฐเม โมเนยฺยานีติ เอตฺถ อิธโลกปรโลกํ อตฺตหิตปรหิตญฺจ มุนาตีติ มุนิ, กลยาณปุถุชฺชเนน สทฺธึ สตฺต เสกฺขา อรหา จ. อิธ ปน อรหาว อธิปฺเปโต. มุนิโน ภาวาติ โมเนยฺยานิ. อรหโต กายวจีมโนสมาจารา.

อถ วา มุนิภาวกรา โมเนยฺยปฏิปทาธมฺมา โมเนยฺยานิ. เตสมยํ วิตฺถาโร:-

"ตตฺถ กตมํ กายโมเนยฺยํ, ติวิธกายทุจฺจริตสฺส ปหานํ

กายโมเนยฺยํ, ติวิธํ กายสุจริตํ กายโมเนยฺยํ, กายารมฺมเณ ญาณํ

@เชิงอรรถ: ๑ องฺ.ติก. ๒๐/๑๒๑/๒๖๕

กายโมเนยฺยํ, กายปริญฺญา กายโมเนยฺยํ, ปริญฺญาสหคโต มคฺโค

กายโมเนยฺยํ, กายสฺมึ ฉนฺทราคปฺปหานํ กายโมเนยฺยํ, กายสงฺขารนิโรธา

จตุตฺถชฺฌานสมาปตฺติ กายโมเนยฺยํ.

ตตฺถ กตมํ วจีโมเนยฺยํ, จตุพฺพิธวจีทุจฺจริตสฺส ปหานํ

วจีโมเนยฺยํ, จตุพฺพิธํ วจีสุจริตํ, วาจารมฺมเณ ญาณํ วาจาปริญฺญา,

ปริญฺญาสหคโต มคฺโค, วาจาย ฉนฺทราคปฺปหานํ, วจีสงฺขารนิโรธา

ทุติยชฺฌานสมาปตฺติ วจีโมเนยฺยํ.

ตตฺถ กตมํ มโนโมเนยฺยํ, ติวิธมโนทุจฺจริตสฺส ปหานํ

มโนโมเนยฺยํ, ติวิธํ มโนสุจริตํ, มนารมฺมเณ ญาณํ, มโนปริญฺญา,

ปริญฺญาสหคโต มคฺโค, มนสฺมึ ฉนฺทราคปฺปหานํ, จิตฺตสงฺขารนิโรธา

สญฺญาเวทยิตนิโรธสมาปตฺติ มโนโมเนยฺยนฺ"ติ. ๑-

นินฺหาตปาปกนฺติ อคฺคมคฺคชเลน สุฏฺฐุ วิกฺขาลิตปาปมลํ.

อฏฺฐมสุตฺตวณฺณนา นิฏฺฐิตา.