๑๐. จูฬปันถกสูตร

[๑๒๖] ๑๐ เอวมฺเม สุตํ ฯ เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม ฯ เตน โข ปน สมเยน อายสฺมา จูฬปนฺถโก ภควโต อวิทูเร นิสินฺโน โหติ ปลฺลงฺกํ อาภุชิตฺวา อุชุํ กายํ ปณิธาย ปริมุขํ สตึ อุปฏฺฐเปตฺวา ฯ อทฺทสา โข ภควา อายสฺมนฺตํ จูฬปนฺถกํ อวิทูเร นิสินฺนํ ปลฺลงฺกํ อาภุชิตฺวา อุชุํ กายํ ปณิธาย ปริมุขํ สตึ อุปฏฺฐเปตฺวา ฯ อถ โข ภควา เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ ฐิเตน กาเยน ฐิเตน เจตสา ติฏฺฐํ นิสินฺโน อุท วา สยาโน เอตํ สตึ ภิกฺขุ อธิฏฺฐหาโน #๑ โป. สทฺธายมานรูปา ฯ ม. สธายมานรูปา ฯ ลเภถ ปุพฺพาปริยํ วิเสสํ ลทฺธาน ปุพฺพาปริยํ วิเสสํ อทสฺสนํ มจฺจุราชสฺส คจฺเฉติ ฯ โสณตฺเถรวคฺโค ปญฺจโม ฯ ตสฺสุทฺทานํ ราชา อปฺปายุกา กุฏฺฐี กุมารกา จ อุโปสโถ โสโณ จ เรวโต นนฺโท สทฺทายมานา ปนฺถเกน จาติ ฯ ______________ อุทาเน ฉฏฺโฐ ชจฺจนฺธวคฺโค