4. Catutthanibbānapaṭisaṃyuttasuttavaṇṇanā

[74] Catutthe atha kho bhagavā etamthaṃ viditvāti tadā kira bhagavatā anekapariyāyena sandassanādivasena nibbānapaṭisaṃyuttāya dhammadesanāya katāya

@khu,mahā. 29/131/111 (syā) 3 Sī. samayasaddo 4 Ma. atthatopi Tesaṃ bhikkhūnaṃ etadahosi "ayaṃ tāva bhagavatā amatamahānibbānadhātuyā anekākāravokāraṃ ānisaṃsaṃ dīpentena anaññasādhāraṇo anubhāvo pakāsito, adhigamupāyo panassā na bhāsito, kathaṃ nu kho paṭipajjantehi amhehi ayaṃ adhigantabbā"ti. Atha bhagavā tesaṃ bhikkhūnaṃ etaṃ yathāvuttaparivitakkasaṅkhātaṃ atthaṃ sabbākārato viditvā. Imaṃ udānanti taṇhāvasena katthaci anissitassa passaddhakāyacittassa vīthipaṭipannavipassanassa ariyamaggena anavasesato taṇhāpahānena nibbānādhigamavibhāvanaṃ imaṃ udānaṃ udānesi.