๘. สุนิททาวิมาน

๒๕. ๘. สุนิทฺทาวิมานวณฺณนา ๑-

อฏฺฐมวิมานํ ราชคหนิทานํ. อฏฺฐุปฺปตฺติยํ ยถากฺกมํ "สุนิทฺทา ๒- นาม อุปาสิกา ฯเปฯ โคตมสฺส ยสสฺสิโน. เตน เม'ตาทิโส วณฺโณ ฯเปฯ สุนิทฺทา ๓- นาม อุปาสิกา"ติ วตฺตพฺพํ. เสสํ วุตฺตนยเมว. คาถาสุปิ อปุพฺพํ นตฺถิ. ตถา หิ เอกจฺเจสุ โปตฺถเกสุ ปาฬิ เปยฺยาลวเสน ฐปิตาติ. เตน วุตฺตํ:-

[๒๔๖-๘] "อภิกฺกนฺเตน วณฺเณน ฯเปฯ

วณฺโณ จ เต สพฺพทิสา ปภาสตีติ.

สา เทวตา อตฺตมนา ฯเปฯ ยสฺส กมฺมสฺสิทํ ผลํ.

@เชิงอรรถ: ๑ ฉ.ม. ๘-๙ นิทฺทา-สุนิทฺทาวิมานวณฺณนา ๒ สี. สทฺธา ๓ สี. สุนนฺทา

สุนิทฺทาติ ๑- มํ อญฺญํสุ ราชคหสฺมึ อุปาสิกา

สทฺธา สีเลน สมฺปนฺนา สํวิภาครตา สทา.

อจฺฉาทนญฺจ ภตฺตญฺจ เสนาสนํ ปทีปิยํ

อทาสึ อุชุภูเตสุ วิปฺปสนฺเนน เจตสา.

จาตุทฺทสึ ปญฺจทสึ ยา จ ปกฺขสฺส อฏฺฐมี

ปาฏิหาริยปกฺขญฺจ อฏฺฐงฺคสุสมาคตํ.

อุโปสถํ อุปวสิสฺสํ ๒- สทา สีเลสุ สํวุตา

สญฺญมา สํวิภาคา จ วิมานํ อาวสามหํ.

ปาณาติปาตา วิรตา มุสาวาทา จ สญฺญตา

เถยฺยา จ อติจารา จ มชฺชปานา จ อารกา.

ปญฺจสิกฺขาปเท รตา อริยสจฺจาน โกวิทา

อุปาสิกา จกฺขุมโต โคตมสฺส ยสสฺสิโน.

เตน เม'ตาทิโส วณฺโณ เตน เม อิธ มิชฺฌติ

อุปฺปชฺชนฺติ จ เม โภคา เย เกจิ มนโส ปิยา.

ฯเปฯ

เตนมฺหิ เอวญฺชลิตานุภาวา

วณฺโณ จ เม สพฺพทิสา ปภาสตี"ติ.

สุนิทฺทาวิมานวณฺณนา นิฏฺฐิตา.

@เชิงอรรถ: ๑ ฉ.ม. นิทฺทาติ ๒ ก. อุปวสึ