๑. อุรุเวลกัสสปเถรคาถา

TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā Theragāthāya chakkanipāto

[347] |347.375| 1 Disvāna pāṭihīrāni gotamassa yasassino na tāvāhaṃ paṇipatiṃ issāmānena vañcito. |347.376| Mama saṅkappamaññāya codesi narasārathi Tato me āsi saṃvego abbhūto lomahaṃsano. |347.377| Pubbe jaṭilabhūtassa yā me siddhi 1- parittikā tāhaṃ tadā niraṅkatvā pabbajiṃ jinasāsane. |347.378| Pubbe yaññena santuṭṭho kāmadhātu purakkhato pacchā rāgañca dosañca mohañcāpi samūhaniṃ. |347.379| Pubbenivāsaṃ jānāmi dibbacakkhuṃ visodhitaṃ iddhimā paracittaññū dibbasotañca pāpuṇiṃ. |347.380| Yassa catthāya pabbajito agārasmā anagāriyaṃ so me attho anuppatto sabbasaṃyojanakkhayoti. Uruvelakassapo thero.