๕. มาลุงกยปุตตเถรคาถา

[๓๕๑] |๓๕๑.๓๙๙| ๕ มนุชสฺส ปมตฺตจาริโน ตณฺหา วฑฺฒติ มาลุวา วิย โส ปริปฺลวติ ๒- หุราหุรํ ผลมิจฺฉํว วนสฺมึ วานโร ฯ |๓๕๑.๔๐๐| ยํ เอสา สหเต ๓- ชมฺมี ตณฺหา โลเก วิสตฺติกา โสกา ตสฺส ปวฑฺฒนฺติ อภิวุฏฺฐํว ๔- วีรณํ ฯ |๓๕๑.๔๐๑| โย เจตํ ๕- สหเต ๓- ชมฺมึ ตณฺหํ โลเก ทุรจฺจยํ โสกา ตมฺหา ปปตนฺติ อุทพินฺทุว โปกฺขรา ฯ |๓๕๑.๔๐๒| ตํ โว วทามิ ภทฺทํ โว ยาวนฺเตตฺถ สมาคตา @เชิงอรรถ: ๑ ม. ยุ. รตฺตึ ฯ ๒ ม. ปฺลวตี ฯ ยุ. ปลวตี ฯ ๓ ยุ. สหตี ฯ ๔ ม. ยุ. อติวฏฺฐํว ฯ @ ๕ ยุ. โย เวตํ ฯ ตณฺหาย มูลํ ขณถ อุสีรตฺโถว วีรณํ มา โว นฬํว โสโตว มาโร ภญฺชิ ปุนปฺปุนํ ฯ |๓๕๑.๔๐๓| กโรถ พุทฺธวจนํ ขโณ เว ๑- มา อุปจฺจคา ขณาตีตา หิ โสจนฺติ นิรยมฺหิ สมปฺปิตา ฯ |๓๕๑.๔๐๔| ปมาโท รโช ๒- ปมาทานุปติโต รโช อปฺปมาเทน วิชฺชาย อพฺพุเห ๓- สลฺลมตฺตโนติ ฯ มาลุงฺกฺยปุตฺโต เถโร ฯ