๑. สุนทรสมุททเถรคาถา

|361.459| 1 Alaṅkatā suvasanā mālabhārī 1- vibhūsitā alattakakatā pādā pādukāruyha vesikā 2- |361.460| pādukā oruhitvāna purato pañjalīkatā sā maṃ saṇhena mudunā mitapubbamabhāsatha 3- |361.461| yuvāsi tvaṃ pabbajito tiṭṭhāhi mama sāsane bhuñja mānusake kāme ahaṃ vittaṃ dadāmi te. Saccante paṭijānāmi aggiṃ vā te harāmahaṃ. |361.462| Yadā jiṇṇā bhavissāma ubho daṇḍaparāyanā ubhopi pabbajissāma ubhayattha kaṭaggaho. |361.463| Tañca disvāna āyantiṃ vesikaṃ pañjalīkataṃ alaṅkataṃ suvasanaṃ maccupāsaṃva oḍḍitaṃ |361.464| tato me manasīkāro yoniso udapajjatha |361.465| .pe. 4- Sundarasamuddo thero.