๑๓. วิสาขาเถรีคาถา

๔๑๔. ๑๓. วิสาขาเถรีคาถาวณฺณนา

กโรถ พุทฺธสาสนนฺติอาทิกา วิสาขาย เถริยา คาถา.

ตสฺสา วตฺถุ ธีราเถริยา วตฺถุสทิสเมว. สา อรหตฺตํ ปตฺวา วิมุตฺติสุเขน วีตินาเมนฺตี:-

"กโรถ พุทฺธสาสนํ ยํ กตฺวา นานุตปฺปติ

ขิปฺปํ ปาทานิ โธวิตฺวา เอกมนฺเต นิสีทถา"ติ อิมาย คาถาย อญฺญํ พฺยากาสิ.

ตตฺถ กโรถ พุทฺธสาสนนฺติ พุทฺธานํ สาสนํ โอวาทอนุสิฏฺฐึ กโรถ, ยถานุสิฏฺฐึ ๑- ปฏิปชฺชถาติ อตฺโถ. ยํ กตฺวา นานุตปฺปตีติ ยํ ๒- อนุสิฏฺฐึ กตฺวา กรณเหตุ น อนุตปฺปติ ตกฺกรสฺส สมฺมเทว อธิปฺปายานํ สมิชฺฌนโต. ขิปฺปํ ปาทานิ โธวิตฺวา, เอกมนฺเต นิสีทถาติ อิทํ ยสฺมา สยํ ปจฺฉาภตฺตํ ปิณฺฑปาตปฏิกฺกนฺตา

@เชิงอรรถ: ๑ ฉ.ม. ยถานุสิฏฺฐํ ๒ ฉ.ม. อยํ ปาโฐ น ทิสฺสติ อาจริยุปชฺฌายานํ วตฺตํ ทสฺเสตฺวา อตฺตโน ทิวาฏฺฐาเน ปาเท โธวิตฺวา รโห นิสินฺนา สทตฺถํ มตฺถกํ ปาเปสิ, ตสฺมา ตตฺถ อญฺเญปิ นิโยเชนฺตี อโวจ.

วิสาขาเถรีคาถาวณฺณนา นิฏฺฐิตา.