๒. จาลาเถรีคาถา

|460.182| 2 Satiṃ upaṭṭhapetvāna bhikkhunī bhāvitindriyā paṭivijjhiṃ padaṃ santaṃ saṅkhārūpasamaṃ sukhaṃ. |460.183| Kiṃ 3- nu uddissa muṇḍāsi samaṇī viya dissasi na ca rocesi pāsaṇḍe kimidaṃ carasi momuhā. |460.184| Ito bahiddhā pāsaṇḍā diṭṭhiyo upanissitā na te dhammaṃ vijānanti na te dhammassa kovidā. |460.185| Atthi sakyakule jāto buddho appaṭipuggalo so me dhammamadesesi diṭṭhīnaṃ samatikkamaṃ |460.186| dukkhaṃ dukkhasamuppādaṃ dukkhassa ca atikkamaṃ ariyaṭṭhaṅgikaṃ maggaṃ dukkhūpasamagāminaṃ. |460.187| Tassāhaṃ vacanaṃ sutvā vihariṃ sāsane ratā tisso vijjā anuppattā kataṃ buddhassa sāsanaṃ. @Footnote: 1 Ma. vuṭṭhāsi. 2 Ma. vihassāmi. Yu. vihissāmi. 3 Ma. kaṃ. |460.188| Sabbattha vihatā nandi tamokkhandho padālito evaṃ jānāhi pāpima nihato tvamasi antaka. Cālā.