๙. สูจิวิมาน ที่ ๒

59. 9. Dutiyasūcivimānavaṇṇanā

uccamidaṃ maṇithūṇanti dutiyasūcivimānaṃ. Tassa kā uppatti? bhagavā rājagahe viharati veḷuvane. Tena samayena rājagahavāsī eko tunnakārako vihārapekkhako hutvā veḷuvanaṃ gato tattha aññataraṃ bhikkhuṃ veḷuvane katasūciyā cīvaraṃ sibbantaṃ disvā sūcigharena saddhiṃ sūciyo adāsi. Sesaṃ sabbaṃ vuttanayameva.

"uccamidaṃ maṇithūṇaṃ vimānaṃ

samantato dvādasa yojanāni

kūṭāgārā sattasatā uḷārā

veḷuriyathambhā rucakatthatā subhā.

@Footnote: 1 cha.Ma. sūcivimānavaṇṇanā

Tatthacchasi pivasi khādasi ca

dibbā ca vīṇā pavadanti vaggū

dibbā rasā kāmaguṇettha pañca

nāriyo ca naccanti suvaṇṇachannā.

Kena te'tādiso vaṇṇo kena te idha mijjhati

uppajjanti ca te bhogā ye keci manaso piyā.

Pucchāmi taṃ deva mahānubhāva

manussabhūto kimakāsi puññaṃ

kenāsi evañjalitānubhāvo

vaṇṇo ca te sabbadisā pabhāsatī"ti pucachi.

So devaputto attamano moggallānena pucchito

pañhaṃ puṭṭho viyākāsi yassa kammassidaṃ phalaṃ.

"ahaṃ manussesu manussabhūto

purimāya jātiyā manussaloke.

Addasaṃ virajaṃ bhikkhuṃ vippasannamanāvilaṃ

tassa adāsahaṃ sūciṃ pasanno sehi 1- pāṇibhi.

Tena me'tādiso vaṇṇo tena me idha mijjhati

uppajjanti ca me bhogā ye keci manaso piyā.

Akkhāmi te bhikkhu mahānubhāva

manussabhūto yamakāsi puññaṃ

@Footnote: 1 ka. sakehi

Tenamhi evañjalitānubhāvo

vaṇṇo ca me sabbadisā pabhāsatī"ti. Taṃ sabbaṃ heṭṭhā vuttanayameva.

Dutiyasūcivimānavaṇṇanā niṭṭhitā.