[๑๐๓] "นาหํ เอเตน อตฺถิโก สุขิโต ธมฺมรเสน ตปฺปิโต

ปิตฺวาน ๕- รสคฺคมุตฺตมํ น จ กาหามิ วิเสน สนฺถวนฺ"ติ คาถํ อภาสิ.

ตตฺถ นาหํ เอเตน อตฺถิโกติ เยน มํ ตุเมฺห ตปฺเปตุกามา "ปริปูเรสฺสามา"ติ วทถ, เอเตน อามิสลาเภน ปจฺจยามิสรเสน นาหํ อตฺถิโก, มยฺหํ เอเตน อตฺโถ นตฺถิ, สนฺตุฏฺฐี ๖- ปรมํ สุขนฺติ อิตรีตเรเหว ปจฺจเยหิ ยาเปมีติ อตฺโถ. อิทานิ เตน อนตฺถิกภาเว ปธานการณํ ทสฺเสนฺโต อาห "สุขิโต ธมฺมรเสน ตปฺปิโต"ติ.