@๔ สี.,อิ. น อภิกงฺขามิ น ปตฺเถมิ นาภินนฺทามิ ชีวิตนฺติ อิทํ ปน ตสฺส การณวจนํ, ยสฺมา นาภินนฺทามิ ชีวิตํ, ตสฺมา นาภินนฺทามิ มรณนฺติ. โย หิ อายตึ ชาติชรามรณาย ๑- กิเลสาภิสงฺขาเร อาจิโนติ อุปจิโนติ, โส ปุนพฺภวาภินิพฺพตฺตึ อภินนฺทนฺโต นานฺตริยกตาย ๒- อตฺตโน มรณมฺปิ อภินนฺทติ นาม การณสฺส อปฺปหีนตฺตา, ขีณาสโว ปน สพฺพโส อาจยคามิธมฺเม ปหาย อปจยคามิธมฺเม ปติฏฺฐิโต ปริญฺญาตวตฺถุโก สพฺพโส ชีวิตํ อนภินนฺทนฺโต มรณมฺปิ อนภินนฺทติ นาม การณสฺสเอว สุปฺปหีนตฺตา. เตนาห "นาภินนฺทามิ มรณํ, นาภินนฺทามิ ชีวิตนฺ"ติ. ยทิ เอวํ ขีณาสวสฺส ปรินิพฺพานาภิ- กงฺขา, ยาว ปรินิพฺพานา อวฏฺฐานญฺจ กถนฺติ? อาห "กาลญฺจ ปฏิกงฺขามิ, สมฺปชาโน ปติสฺสโต"ติ, กิเลสปรินิพฺพาเน สิทฺเธ สติปญฺญาเวปุลฺลปฺปตฺติยา สโต สมฺปชาโน เกวลํ ขนฺธปรินิพฺพานกาลํ ปฏิกงฺขามิ, ตํ อุทิกฺขมาโน อาคมยมาโน วิหรามิ, น ปน เม มรเณ ชีวิเต วา อภินนฺทนา อตฺถิ อรหตฺตมคฺเคเนว ตสฺส สมุคฺฆาฏิตตฺตาติ.

นิสภตฺเถรคาถาวณฺณนา นิฏฺฐิตา.