อุจฺเจติ อุจฺจาทิฏฺฐาเน อุปริปาสาทตาย วา อุจฺเจ. มณฺฑลิปากาเรติ มณฺฑลากาเรน ปาการปริกฺขิตฺเต. ทฬฺหมฏฺฏาลโกฏฺฐเกติ ถิเรหิ อฏฺฏาเลหิ ทฺวารโกฏฺฐเกหิ จ สมนฺนาคเต, นคเรติ อตฺโถ.

สตึ ปญฺญญฺจาติ เอตฺถ สติสีเสน สมาธึ วทติ, ผลสมาปตฺตินิโรธสมาปตฺติโย สนฺธาย "สตึ ปญฺญญฺจ ภาวยนฺ"ติ วุตฺโต. เสสํ ตตฺถ ตตฺถ วุตฺตนยตฺตา อุตฺตานเมว.

เอวํ เถโร สตฺถุ สมฺมุขา สีหนาทํ นทิ. ตํ สุตฺวา ภิกฺขู อภิปฺปสนฺนา อเหสุํ.

กาลิโคธาปุตฺตภทฺทิยตฺเถรคาถาวณฺณนา นิฏฺฐิตา.