ตตฺเถว วิรชํ ธมฺมํ ผุสยึ อมตํ ปทํ.

[๑๕๐] ตโต วิญฺญาตสทฺธมฺมา ปพฺพชึ อนคาริยํ

ติสฺโส วิชฺชา อนุปฺปตฺตา อโมฆํ พุทฺธสาสนนฺ"ติ อิมา คาถา อภาสิ.

ตตฺถ อลงฺกตาติ วิภูสิตา. ตํ ปน อลงฺกตาการํ ทสฺเสตุํ "สุวสนา มาลินี จนฺทโนกฺขิตา"ติ วุตฺตํ. ตตฺถ มาลินีติ มาลาธารินี. จนฺทโนกฺขิตาติ จนฺทนานุลิตฺตา. สพฺพาภรณสญฺฉนฺนาติ หตฺถูปคาทีหิ สพฺพาภรเณหิ อลงฺการวเสน สญฺฉาทิตสรีรา.