ตตฺถ ภิกฺขุนินฺติ เขมาเถรึ สนฺธาย วทติ.

โพชฺฌงฺคฏฺฐงฺคิกํ มคฺคนฺติ สตฺตโพชฺฌงฺคํ อฏฺฐงฺคิกญฺจ อริยมคฺคํ. อุตฺตมตฺถสฺส ปตฺติยาติ อรหตฺตสฺส นิพฺพานสฺเสว วา ปตฺติยา อธิคมาย.

ปีติสุเขนาติ ผลสมาปตฺติปริยาปนฺนาย ปีติยา สุเขน จ. กายนฺติ สมฺปยุตฺตํ ๑- นามกายํ ตทนุสาเรน รูปกายญฺจ. ผริตฺวาติ ผุสิตฺวา พฺยาเปตฺวา วา. สตฺตมิยา ปาเท ปสาเรสินฺติ วิปสฺสนาย อารทฺธทิวสโต สตฺตมิยํ ปลฺลงฺกํ ภินฺทิตฺวา ปาเท ปสาเรสึ. กถํ? ตโมกฺขนฺธํ ปทาลิย, อปทาลิตปุพฺพํ โมหกฺขนฺธํ อคฺคมคฺค- ญาณาสินา ปทาเลตฺวา. เสสํ เหฏฺฐา วุตฺตนยเมว.

วิชยาเถรีคาถาวณฺณนา นิฏฺฐิตา.