อุมฺมาเรติ ทฺวาเร. โธวนฺตี หตฺถปาเทติ หตฺถปาเท โธวินี อาสึ, โธวิตฺวา ฆรํ สมุปคมามีติ โยชนา.

โกจฺฉนฺติ มสฺสูนํ เกสานญฺจ อุลฺลิขนโกจฺฉํ. ปสาทนฺติ คนฺธจุณฺณาทิมุข- วิเลปนํ. "ปสาธนนฺ"ติปิ ปาโฐ, ปสาธนภณฺฑํ. อญฺชนินฺติ อญฺชนนาฬึ. ปริกมฺม- การิกา วิยาติ อคฺคกุลิกา วิภวสมฺปนฺนาปิ ปติปริจาริกา เจฏิกา วิย.

สาธยามีติ ปจามิ. ภาชนนฺติ โลหภาชนญฺจ. โธวนฺตี ปริจรามีติ โยชนา.

ภตฺติกตนฺติ กตสามิภติกํ. อนุรตฺตนฺติ อนุรตฺตวนฺตึ. การิกนฺติ ตสฺส ตสฺเสว อิติ กตฺตพฺพสฺส การิกํ. นิหตมานนฺติ อปนีตมานํ. อุฏฺฐายิกนฺติ อุฏฺฐานวีริยสมฺปนฺนํ.