ยทิ เม อตฺตา สกฺโกตีติ ยทิ มยฺหํ อตฺตา อตฺตาธีโน ภุชิสฺโส จ โหติ, อลํ มยฺหํ อิสิทาสิยา ตาย ปโยชนํ นตฺถิ, ตสฺมา น สห วจฺฉํ น สห วสิสฺสํ, เอกฆเร อหํ ตาย สห วตฺถุนฺติ โยชนา.

วิสฺสชฺชิโต คโต โสติ โส ภิกฺขโก ปิตรา วิสฺสชฺชิโต ยถารุจิ คโต. เอกากินีติ เอกิกาว. อาปุจฺฉิตูน คจฺฉนฺติ มยฺหํ ปิตรํ วิสฺสชฺเชตฺวา คจฺฉามิ. มริตุเยติ มริตุํ. วาติ วิกปฺปตฺเถ นิปาโต.

โคจรายาติ ภิกฺขาย, ตาต กุลํ อาคจฺฉีติ โยชนา.