ยูถโปติ ยูถปติ. นิลฺลจฺเฉสีติ ปุริสภาวสฺส ลกฺขณภูตานิ พีชกานิ นิลฺลจฺเฉสิ นีหริ. ตสฺเสตํ กมฺมผลนฺติ ตสฺส มยฺหํ เอตํ อตีเต กตสฺส กมฺมสฺส ผลํ. ยถาปิ คนฺตฺวาน ปรทารนฺติ ยถา ตํ ปรทารํ อติกฺกมิตฺวา.

ตโตติ มกฺกฏโยนิโต. สินฺธวารญฺเญติ สินฺธวรฏฺเฐ อรญฺญฏฺฐาเน. ๑- เอฬกิยาติ อชิยา.

ทารเก ปริวหิตฺวาติ ปิฏฺฐึ อารุยฺห กุมารเก วหิตฺวา. กิมินาวฏฺโฏติ อภิชาตฏฺฐาเน กิมิปริคโตว หุตฺวา อฏฺโฏ อฏฺฏิโต. อกลฺโลติ คิลาโน, อโหสีติ วจนเสโส.

โควาณิชกสฺสาติ คาวิโย วิกฺกิณิตฺวา ชีวกสฺส. ลาขาตมฺโพติ ลาขารสรตฺเตหิ วิย ตมฺเพหิ โลเมหิ สมนฺนาคโต.