149. 2. Mahāvacchattheragāthāvaṇṇanā

paññābalīti āyasmato mahāvacchattherassa gāthā. Tassa kā uppatti?

ayaṃ kira padumuttarassa bhagavato bhikkhusaṃghassa ca pānīyadānamadāsi. Puna sikhissa bhagavato kāle upāsako hutvā vivaṭṭūpanissayaṃ bahupuññakammaṃ akāsi, so tehi puññakammehi tattha tattha sugatīsuyeva saṃsaranto imasmiṃ buddhuppāde magadharaṭṭhe nālagāme samiddhissa nāma brāhmaṇassa putto hutvā nibbatti.