56. 6. Paṭhamakaraṇīyavimānavaṇṇanā

uccamidaṃ maṇithūṇanti paṭhamakaraṇīyavimānaṃ. Tassa kā uppatti? bhagavā sāvatthiyaṃ viharati jetavane. Tena samayena sāvatthivāsī eko upāsako nhānopakaraṇāni gahetvā aciravatiṃ gantvā nhātvā āgacchanto bhagavantaṃ sāvatthiṃ piṇḍāya pavisantaṃ disvā upasaṅkamitvā vanditvā evamāha "bhante kena nimantitā"ti. Bhagavā tuṇhī ahosi. So kenaci animantitabhāvaṃ ñatvā āha

@3 cha.Ma. karaṇīyavimānaṃ 4 cha.Ma. nhatvā 5 Sī. carantaṃ "adhivāsetu me bhante bhagavā bhattaṃ anukampaṃ upādāyā"ti. Adhivāsesi bhagavā tuṇhībhāvena. So bhagavantaṃ attamano gehaṃ netvā buddhārahaṃ āsanaṃ paññāpetvā tattha bhagavantaṃ nisīdāpetvā paṇītena annapānena santappesi. Bhagavā katabhattakicco tassa anumodanaṃ katvā pakkāmi. Sesaṃ anantaravimānasadisaṃ. Tena vuttaṃ:-