[168] "kāḷī dubbaṇṇarūpāsi pharusā bhīrudassanā

piṅgalāsi kaḷārāsi na taṃ maññāmi mānusin"ti gāthāya ajjhabhāsi.

Tattha kāḷīti kāḷavaṇṇā, jhāmaṅgārasadiso hissā vaṇṇo ahosi. Pharusāti kharagattā. Bhīrudassanāti bhayānakadassanā sappaṭibhayākāRā. "bhārudassanā"ti vā pāṭho, bhāriyadassanā, dubbaṇṇatādinā duddasikāti attho. Piṅgalāti piṅgalalocanā. Kaḷārāti kaḷāradantā. Na taṃ maññāmi mānusinti ahaṃ taṃ mānusinti na maññāmi, petimeva ca taṃ maññāmīti adhippāyo. Taṃ sutvā petī attānaṃ pakāsentī:-

[169] "ahaṃ nandā nandisena bhariyā te pure ahuṃ