Chaḷabhiññaṃ pana samānaṃ saparisaṃ āyasmantaṃ yasojaṃ satthā pakkositvā āneñja- samāpattinā paṭisanthāramakāsi. So sabbepi dhūtaṅgadhamme samādāya vattati. Tenassa sarīraṃ kisaṃ ahosi lūkhaṃ dubbaṇṇaṃ, taṃ bhagavā paramappicchatāya pasaṃsanto:-

[243] "kālāpabbaṅgasaṅkāso kiso dhamanisanthato

mattaññū annapānamhi alīnamanaso naro"ti paṭhamaṃ gāthamāha.

Tattha kālāpabbaṅgasaṅkāsoti maṃsūpacayavigamena kisadusaṇṭhitasarīrāvayavatāya dantilatā- pabbasadisaṅgo, tenāha "kiso dhamanisanthato"ti. Kisoti moneyyapaṭipadāpūraṇena