[324] Yathāpi ruciraṃ pupphaṃ vaṇṇavantaṃ sagandhakaṃ

evaṃ subhāsitā vācā saphalā hoti kubbato"ti imā pañca gāthā abhāsi.

Tattha ayogeti ayuñjitabbe asevitabbe antadvaye. Idha pana attakilamathānu- yogavasena attho veditabbo. Yuñjanti tasmiṃ attānaṃ yuñjanto yojento tathā paṭipajjanto. Kiccamicchakoti ubhayahitāvahaṃ kiccaṃ icchanto, tappaṭipakkhato ayoge

Nādhigaccheyyāti yathādhippetaṃ hitasukhaṃ na pāpuṇeyyāti ñāyo. Tasmā yaṃ ahaṃ titthiyamatavañcito ayoge yuñjiṃ, taṃ ve dubbhagalakkhaṇaṃ apuññasabhāvo. "purimakammabyāmohito ayoge yuñjin"ti dasseti.