Kālapabbaṅgasaṅkāsotiādi vivekābhiratikittanaṃ. Nābhinandāmītiādi pana katakicca- bhāvadassanaṃ. Taṃ sabbaṃ heṭṭhā vuttatthameva. Osāne pana kiṃ me saddhivihārināti

@2 thera.A. 2/377/308 saṅkiccattheragāthā. (thera.ṭṭha. 2/217 cha.Ma.) Attano saddhivihārikaṃ sandhāya vuttaṃ. Tasmā edisena dubbacena anādarena saddhivihārinā kiṃ me payojanaṃ, ekavihāroyeva mayhaṃ ruccatīti attho.

Evaṃ pana vatvā chaddantadahameva gato. Tattha dvādasa vassāni vasitvā upakaṭṭhe parinibbāne satthāraṃ upasaṅkamitvā parinibbānaṃ anujānāpetvā tattheva gantvā parinibbāyi.