Tattha anujāto tathāgatanti tathāgataṃ anujāto, tathāgatena hetunā ariyāya jātiyā jātoti attho.

Evaṃ "ko nu senāpati bhoto"ti selena vuttapañhaṃ byākaritvā yaṃ selo āha "sambuddho paṭijānāsī"ti, tattha naṃ nikkaṅkhaṃ kātukāmo "nāhaṃ paṭiññā- matteneva paṭijānāmi, api cāhaṃ iminā kāraṇena buddho"ti ñāpetuṃ:-

[828] "abhiññeyyaṃ abhiññātaṃ bhāvetabbañca bhāvitaṃ

pahātabbaṃ pahīnaṃ me tasmā buddhosmi brāhmaṇā"ti gāthamāha.