tevijjā atha vuṭṭhāsiṃ katā te anusāsanī.

[181] Sakkaṃva devā tidasā saṅgāme aparājitaṃ

purakkhatvā vihassāmi tevijjāmhi anāsavā"ti imā gāthā abhāsi.

Tattha cittaṃ upaṭṭhapetvānāti bhāvanācittaṃ kammaṭṭhāne upaṭṭhapetvā. Kathaṃ? Ekaggaṃ susamāhitaṃ paccavekkhathāti paṭipattiṃ paccavekkhatha, saṅkhāre aniccantipi dukkhantipi anattātipi lakkhaṇattayaṃ vipassathāti attho. Idañca ovādakāle attano aññesañca bhikkhunīnaṃ theriyādīnaṃ ovādassa anuvādavasena vuttaṃ, paṭācārānusāsaninti paṭācārāya theriyā anusiṭṭhiṃ. "paṭācārāya sāsanan"tipi vā pāṭho.