๑๐. พกพรหมชาดก

Dvāsattati gotama puññakammā @Footnote: 1 Ma. nivasati . 2 Sī. Ma. sīlapaññāsutāmiva . 3 Ma. bakajātakaṃ. Vasavattino jātijaraṃ atītā ayamantimā vedagū brahmupapatti 1- asmābhijappanti janā anekā.

Appañca hetaṃ 2- na hi dīghamāyu yaṃ tvaṃ baka maññasi dīghamāyuṃ sataṃ sahassāna 3- nirabbudānaṃ āyuṃ pajānāmi tavāha brahme.

Anantadassī bhagavāhamasmi jātijjaraṃ sokamupātivatto kiṃ me purāṇaṃ vatasīlavattaṃ ācikkha metaṃ yamahaṃ vijaññaṃ.

Yaṃ tvaṃ apāyesi bahū manusse pipāsite ghammani samparete tante purāṇaṃ vatasīlavattaṃ suttappabuddhova anussarāmi.

Yaṃ eṇikūlasmiṃ janataṃ gahītaṃ amocayī gayhaka nīyamānaṃ tante purāṇaṃ vatasīlavattaṃ suttappabuddhova anussarāmi.

Gaṅgāya sotasmiṃ gahītanāvaṃ @Footnote: 1 Ma. brahmapatti . 2 Ma. appaṃ hi etaṃ . 3 Ma. sahassāni. Sī. Yu. sahassānaṃ. Luddena nāgena manussakappā amocayī tvaṃ balasā pasayha tante purāṇaṃ vatasīlavattaṃ suttappabuddhova anussarāmi.

Kappo ca te patthacaro ahosiṃ 1- sambuddhivantaṃ vatitaṃ 2- amaññaṃ tante purāṇaṃ vatasīlavattaṃ suttappabuddhova anussarāmi.

Addhā pajānāsi mametamāyuṃ aññaṃpi jānāsi tathāhi buddho tathāhi tāyaṃ jalitānubhāvo obhāsayaṃ tiṭṭhati brahmalokanti. Bakabrahmajātakaṃ dasamaṃ. Kukkuvaggo paṭhamo. --------- Tassuddānaṃ varakaṇṇika cāpavaro sutano atha gijjha sarohitamacchavaro puna dasaṇṇaka 3- senaka yācanako atha verī sabrahmabakena dasa. @Footnote: 1 Ma. baddhacaro ahosi . 2 Ma. sambuddhimantaṃ vatinaṃ . 3 Ma. paṇṇaka.