๕. คังคมาลชาดก

[๑๑๕๕] องฺคารชาตา ปฐวี กุกฺกุลานุคตา มหี อถ คายสิ วตฺตานิ น ตํ ตปติ อาตโป ฯ อุทฺธํ ตปติ อาทิจฺโจ อโธ ตปติ วาลุกา อถ คายสิ วตฺตานิ น ตํ ตปติ อาตโป ฯ

[๑๑๕๖] น มํ ตปติ อาตโป อาตปฺปา ตปยนฺติ มํ อตฺถา หิ วิวิธา ราช เต ตปนฺติ น อาตโป ฯ

[๑๑๕๗] อทฺทสํ กาม เต มูลํ สงฺกปฺปา กาม ชายสิ น ตํ สงฺกปฺปยิสฺสามิ เอวํ กาม น เหหิสิ ฯ

[๑๑๕๘] อปฺปาปิ กามา น อลํ พหูหิปิ น ตปฺปติ อโห พาลานลปนา ๓ ปฏิวชฺเชถ ๔ ชคฺคโต ฯ #๑ ยุ. สุรินีเตน ฯ ๒ ม. เมทินินฺติ ฯ ๓ สี. ม. อหหา พาลลปนา ฯ #๔ ม. ปริวชฺเชถ สี. ยุ. ปฏิวิชฺเฌถ ฯ

[๑๑๕๙] อปฺปสฺส กมฺมสฺส ผลํ มเมทํ อุทโย อชฺฌคมา มหตฺตปตฺตํ สุลทฺธลาโภ วต มาณวสฺส โย ปพฺพชิ กามราคํ ปหาย ฯ

[๑๑๖๐] ตปสา ปชหนฺติ ปาปกมฺมํ ตปสา นฺหาปิตกุชฺฌการภาวํ ๑ ตปสา อภิภุยฺย คงฺคมาล นาเมนาลปสิชฺช พฺรหฺมทตฺตํ ฯ

[๑๑๖๑] สนฺทิฏฺฐิกเมว อมฺม ปสฺสถ ขนฺติโสรจฺจสฺส โย ๒ วิปาโก โส ๓ สพฺพชนสฺส วนฺทิโต อหุ ตํ วนฺทาม สราชิกา สมจฺจา ฯ

[๑๑๖๒] มา กิญฺจิ อวจุตฺถ คงฺคมาลํ มุนินํ โมนปเถสุ สิกฺขมานํ เอโส หิ อตริ อณฺณวํ ยํ ตริตฺวา วิจรนฺติ ๔ วีตโสกาติ ฯ คงฺคมาลชาตกํ ปญฺจมํ ฯ ___________ #๑ ม. นฺหาปิตกุมฺภการภาวํ ฯ ๒ ม. อยํ ฯ ๓ ม. โย ฯ ๔ ม. จรนฺติ ฯ ๖ เจติยราชชาตกํ