๓. มหาสุวราชชาดก

Dumo yadā hoti phalūpapanno bhuñjanti naṃ vihaṅgamā 2- sampatantā khīṇanti ñatvāna dumaṃ phalaccaye @Footnote: 1 Ma. casaddo natthi . 2 Sī. Yu. vihagā. evamuparipi. Disodisaṃ yanti tato vihaṅgamā.

Cara cārikaṃ lohitatuṇḍa mā mari kiṃ tvaṃ suva sukkhadumamhi jhāyasi tadiṅgha [1]- brūhi vassantasannibha kasmā suva sukkhadumaṃ na riñcasi.

Ye ve sakhīnaṃ sakhāro bhavanti pāṇāccaye sukhadukkhesu haṃsa khīṇaṃ akhīṇanti na taṃ jahanti santo sataṃ dhammamanussarantā.

Sohaṃ sataṃ aññatarosmi haṃsa ñātī ca me hoti sakhā ca rukkho taṃ nussahe jīvikattho pahātuṃ khīṇanti ñatvāna na esa dhammo.

Sādhu pakkhi 2- kataṃ hoti metti saṃsati santhavo sacetaṃ dhammaṃ rocesi pāsaṃsosi vijānataṃ.

So te suva varaṃ dammi pattayāna vihaṅgama varaṃ varassu vaṅkaṅga yaṅkiñci manasicchasi.

Varañca me haṃsa tuvaṃ dadeyya ayañca rukkho punarāyuṃ labhetha @Footnote: 1 Ma. maṃ . 2 Sī. Ma. sakkhi. So sākhavā phalimā saṃvirūḷho madhutthiko tiṭṭhatu sobhamāno.

Taṃ passa samma phalimaṃ uḷāraṃ sahāva te hotu udumbarena so sākhavā phalimā saṃvirūḷho madhutthiko tiṭṭhatu sobhamāno.

Evaṃ sakka sukhī hohi saha sabbehi ñātibhi yathāhamajja sukhito disvāna saphalaṃ dumaṃ.

Suvassa vacanaṃ sutvā 1- katvāna saphalaṃ dumaṃ pakkāmi saha bhariyāya devānaṃ nandanaṃ vananti. Mahāsuvarājajātakaṃ tatiyaṃ.