๑๑. ปูติมังสชาดก

น โข รุจฺจติ เม อาฬิ ปูติมํสสฺส เปกฺขนา เอตาทิสา สขารสฺมา อารกา ปริวชฺชเย ฯ

อุมฺมตฺติกา อยํ เวณิ วณฺเณติ ปติโน สขึ ปชฺฌายิ ปฏิคจฺฉนฺตึ อาคตํ เมณฺฑมาตรํ ฯ

ตฺวํ โขสิ สมฺม อุมฺมตฺโต ทุมฺเมโธ อวิจกฺขโณ โส ๓ ตฺวํ มตาลยํ กตฺวา อกาเลน วิเปกฺขสิ ฯ

น อกาเล วิเปกฺเขยฺย กาเล เปกฺเขยฺย ปณฺฑิโต ปูติมํโสว ปชฺฌายิ โย อกาเล วิเปกฺขติ ฯ

ปิยํ โข อาฬิ เม โหตุ ปุณฺณปตฺตํ ททาหิ เม #๑ ม. น หตฺถิ ฯ ๒ ยุ. เอตฺถปฺปมตฺโต ฯ ๓ ม. โย ฯ ปติ สญฺชีวิโต มยฺหํ เอยฺยาสิ ปิยปุจฺฉิตา ๑ ฯ

ปิยํ โข อาฬิ เต โหตุ ปุณฺณปตฺตํ ททามิ เต มหตา ปริวาเรน เอสฺสํ กยิราหิ โภชนํ ฯ

กีทิโส ตุยฺหํ ปริวาโร เยสํ กาหามิ โภชนํ กึนามกา จ เต สพฺเพ เต ๒ เม อกฺขาหิ ปุจฺฉิตา ฯ

มาลิโย จตุรกฺโข จ ปิงฺคิโย อถ ชมฺพุโก เอทิโส มยฺหํ ปริวาโร เตสํ กยิราหิ โภชนํ ฯ

นิกฺขนฺตาย อคารสฺมา ภณฺฑกมฺปิ วินสฺสติ อโรคํ อาฬิโน วชฺชํ อิเธว วส มา คมาติ ฯ ปูติมํสชาตกํ เอกาทสมํ ฯ