๑๒. ทัททรชาดก

[๑๓๑๐] โย เต ปุตฺตเก อกฺขาทิ ทินฺนภตฺโต อทูสเก ตสฺมึ ทาฐา ๓ นิปาเตหิ มา เต มุญฺจิตฺถ ชีวโก ฯ

[๑๓๑๑] อากิณฺณลุทฺโท ปุริโส ธาติโจลํว มกฺขิโต ปเทสํ ตํ น ปสฺสามิ ยตฺถ ทาฐา ๓ นิปาตเย ฯ

[๑๓๑๒] อกตญฺญุสฺส โปสสฺส นิจฺจํ วิวรทสฺสิโน สพฺพญฺเจ ปฐวึ ทชฺชา เนว นํ อภิราธเย ฯ

[๑๓๑๓] กินฺนุ สุพาหุ ตรมานรูโป ปจฺจาคโตสิ สห มาณเวน #๑ ม. ปิยปุจฺฉิกา ฯ ๒ ม. ตํ ฯ ๓ ม. ทาฐํ ฯ กึ กิจฺจมตฺถํ อิธมตฺถิ ตุยฺหํ อกฺขาหิ เม ปุจฺฉิโต เอตมตฺถํ ฯ

[๑๓๑๔] โย เต สขา ททฺทโร สาธุรูโป ตสฺส วธํ ปริสงฺกามิ อชฺช ปุริสสฺส กมฺมายตนานิ สุตฺวา นาหํ สุขึ ททฺทรํ อชฺช มญฺเญ ฯ

[๑๓๑๕] กานิสฺส กมฺมายตนานิ อสฺสุ ปุริสสฺส วุตฺติสโมธานตาย กํ วา ปฏิญฺญํ ปุริสสฺส สุตฺวา ปริสงฺกสิ ททฺทรํ มาณเวน ฯ

[๑๓๑๖] จิณฺณา กลิงฺคา จริตา วณิชฺชา๕ เวตฺตาจาโร ๑ สงฺกุปโถปิ จิณฺโณ นเฏหิ จิณฺณํ สห วากุเรหิ ๒ ทณฺเฑน ยุทฺธมฺปิ สมชฺชมชฺเฌ ฯ

[๑๓๑๗] พนฺธา กุลิกา ๓ มิตมาฬฺหเกน อกฺขา ชิตา ๔ สญฺญโม อพฺภตีโต อปฺปหิตํ ๕ ปุปฺผกํ ๖ อฑฺฒรตฺตํ หตฺถา อฑฺฒา ปิณฺฑปฏิคฺคเหน ฯ

[๑๓๑๘] ตานิสฺส กมฺมายตนานิ อสฺสุ #๑ ม. เวตฺตจโร ฯ ๒ สี. ยุ. วากเรหิ ฯ ๓ สี. ยุ. กุลิงฺกา ฯ ๔ ฐิตาติปิ ฯ #๕ ม. อพฺพาหิตํ ฯ สี. ยุ. อพฺพูหิตํ ฯ ๖ ม. ปุพฺพกํ ฯ ปุริสสฺส วุตฺติสโมธานตาย ยถา อยํ ทิสฺสติ โลมปิณฺโฑ คาโว หตา กึ ปน ททฺทรสฺสาติ ฯ ททฺทรชาตกํ ทฺวาทสมํ ฯ ___________ ตสฺสุทฺทานํ วรคิชฺฌ สมชฺชนํ หํสวโร นิธิสวฺหย หาริต ปาตลิโก อชรามร ธงฺก ติติกฺข กุโต อถ ทฺวาทส เปกฺขน ททฺทริภิ ฯ นวกนิปาตํ นิฏฺฐิตํ ฯ ___________ ทสกนิปาตชาตกํ ๑ จตุทฺวารชาตกํ