๘. สังวรชาดก

Jānanto no mahārāja tava sīlaṃ janādhipo ime kumāre pūjento na taṃ kenaci maññatha.

Tiṭṭhante no mahārāje ādū deve divaṅgate ñātī taṃ samanumaññiṃsu 4- sampassaṃ atthamattano.

Kena saṃvaravattena sañjāte abhitiṭṭhasi kena taṃ nātivattanti ñātisaṅghā samāgatā.

Na rājaputta ussuyyāmi 5- samaṇānaṃ mahesinaṃ @Footnote: 1 Ma. sohaṃ dassañca bhokkhañca bharissāmi ca . 2 Ma. sesañca pālayissāmi. @ 3 Yu. kiccamevaṃ . 4 Ma. samanuññiṃsu . 5 Ma. usūyāmi. Sakkaccante namassāmi pāde vandāmi tādinaṃ.

Te maṃ dhammaguṇe yuttaṃ sussūsamanussuyyakaṃ samaṇā samanussāsanti isidhammaguṇe ratā.

Tesāhaṃ vacanaṃ sutvā samaṇānaṃ mahesinaṃ na kiñci atimaññāmi dhamme me nirato mano.

Hatthārohā aṇīkaṭṭhā rathikā pattikārakā tesaṃ 1- nappaṭibandhāmi niviṭṭhaṃ 2- bhattavettanaṃ.

Mahāmattā ca me atthi mantino paricārikā bārāṇasiṃ voharanti bahumaṃsaṃ surodakaṃ.

Athopi vāṇijā phītā nānāraṭṭhehi āgatā tesu me vihitā rakkhā evaṃ jānāhuposatha.

Dhammena kira ñātīnaṃ rajjaṃ kārehi saṃvara medhāvī paṇḍito cāsi 3- athopi ñātīnaṃ hito.

Taṃtaṃ ñātiparibyuḷhaṃ nānāratanamocitaṃ amittā nappasahanti indaṃva asurādhipoti. Saṃvarajātakaṃ aṭṭhamaṃ.