๒. จูฬชนกชาดก

๒. จูฬชนกชาตกํ

วายเมเถว ปุริโสติ อิทํ สตฺถา เชตวเน วิหรนฺโต โอสฺสฏฺฐวิริยเมว อารพฺภ กเถสิ ฯ

ตตฺถ ยํ วตฺตพฺพํ ตํ สพฺพํ มหาชนกชาตเก อาวิภวิสฺสติ ฯ ราชา ปน เสตจฺฉตฺตสฺส เหฏฺฐา นิสินฺโน อิมํ คาถมาห

วายเมเถว ปุริโส น นิพฺพินฺเทยฺย ปณฺฑิโต

ปสฺสามิ โวหํ อตฺตานํ อุทกา ถลมุพฺภตนฺติ ฯ

ตตฺถ วายเมเถวาติ วายามํ กโรเถว ฯ อุทกา ถลมุพฺภตนฺติ อุทกโต ถลมุตฺติณฺณํ ถเล ปติฏฺฐิตํ อตฺตานํ ปสฺสามีติ ฯ

อิทานิ โอสฺสฏฺฐวิริโย ภิกฺขุ อรหตฺตํ ปตฺโต ชนกราชา สมฺมาสมฺพุทฺโธ อโหสีติ ฯ

จูฬชนกชาตกํ ทุติยํ ฯ