๘ คามนิชาตกํ

อปิ อตรมานานนฺติ อิทํ สตฺถา เชตวเน วิหรนฺโต โอสฺสฏฺฐวิริยํ ภิกฺขุํ อารพฺภ กเถสิ ฯ

อิมสฺมึ ปน ชาตเก ปจฺจุปฺปนฺนวตฺถุญฺจ อตีตวตฺถุญฺจ เอกาทสนิปาเต สํวรชาตเก อาวิภวิสฺสติ ฯ วตฺถุํ หิ ตสฺมิญฺจ อิมสฺมึ จ เอกสทิสเมว คาถา ปน นานา ฯ คามนิกุมาโร โพธิสตฺตสฺส โอวาเท ฐตฺวา ภาติกสตสฺส กนิฏฺโฐปิ หุตฺวา ภาติกสตปริวาริโต เสตจฺฉตฺตสฺส เหฏฺฐา วรปลฺลงฺเก นิสินฺโน อตฺตโน ยสสมฺปตฺตึ โอโลเกตฺวา อยํ มยฺหํ ยสสมฺปตฺติ อมฺหากํ อาจริยสฺส สนฺตกาติ ตุฏฺโฐ อิทํ อุทานํ อุทาเนสิ

อปิ อตรมานานํ ผลาสาว สมิชฺฌติ